Сите гостувања на Тино и Атанас во 1на1

Ајвар и сирење. Бурек и јогурт. Силви и Бенд. Виски и Кока Кола (+добра женааа око могаа столааааа)

Постојат работи што едноставно одат во пар. Работи што се речиси незамисливи една без друга.

А богами постојат и луѓе што спаѓаат во оваа категорија.
Ако ви најавиме епизода во која гостин ќе биде Тино, веднаш ќе добиеме педесетина коментари од типот “А Атанас???”, “Atanas ke bide li??”, “Cena?” “Sigurno nema sam, taka??”, “A da, go znam toj Tino Iatanas, dobar coek e, i toj drugiot so nego isto e dobar”

По повод првата епизода од #сезона17 на нашето шоу, се потсетуваме на најдобрите гостувања на едни од најпопуларните комичари во земјава… а по некоја случајност, буквално секое едно од нивните гостувања е дел од оваа листа!

Започнуваме со нивното прво гостување во #Сезона8, кога Тино и Атанас беа млади, смешни и убави. Сега се само смешни и убави.

Следна епизода на тапет е епизодата која ја нарековме “Новогодишна”. За жал, господинот Но Вогодишен поради оправдани причини не можеше да ни дојде за ‘еден на еден’ разговор, па затоа на гости ни дојдоа Тин Водопивец од Словенија и Атанас Атанасовски и Тино Костадиновски од „Театар Комедија“ (ццц, ќе трепнеш и одма нова држава излегло. Што земја ли е ова Словенија??)

Во изминатите епизоди на нашето шоу, Жаре го имаше задоволството да биде на само и со Божо Вреќо! Го нарекуваат “Принц на севдахот”, “Човек со ангелски глас”, “последниот голем музички феномен изнедрен од плодната балканска почва” и “Човекот што беше дел од #сезона11 на #1на1 заедно со Тино и Атанас, ама не беше баш заедно, туку беа посебно. Али добра епизода, да ја гледаш”. Едноставно човек со премногу надимаци и искрено добар глас!

Истата сезона имаше Корона, што беше добар повод за “Седи си дома” – специјална епизода од нашето шоу во кои неколку гости од македонската сцена си седеа дома (логично) и одговараа интересни прашања во квиз едицијата на овие специјали ко излегоа за време на пандемијата:

Погореспоменатата пандемија беше причина зад концептот на #сезона12, а во истата таа сезона Тино и Атанас не ни беа на гости!

Но затоа Жаре, Тино и Атанас пронајдоа еден празен стан во центарот на градот и убаво си се сместија откако Жаре уредно си ги собра во своето возило :))

И сево ова не носи до сегашноста и првата епизода од последната епизода која ја започнавме токму со нив: Тино Костадиновски и Атанас Атанасовски!

П.С. Дали после 17 сезони е предоцна да признаеме дека немаме поим кој е Тино, кој е Атанас, а кој е и?

Слични статии