Шампионската приказна „Донирај компјутер“ на Борче Стаменов
![](https://www.edennaeden.mk/wp-content/uploads/2020/02/zare-borce.png)
Самохрана мајка на три деца го инспирирала Борче Стаменов од Кавадарци да ја започне акцијата „Донирај компјутер“. Борче веќе четири години поправа стари компјутери и потоа ги донира на млади и семејства кои не можат да си купат нов.
![](https://www.edennaeden.mk/wp-content/uploads/2020/02/borce-1024x1024.png)
По 150 донирани компјутери, Борче е веќе шампион во оваа дисциплина. Со најголем мерак го поканивме да ни гостува во Еден на Еден и на Жаре му раскажа дека во денот може да поправи и до 20. „Сега веќе ми е рутина, се случува и за еден час да средам еден компјутер“, изјави Борче. Приказната за него брзо се рашири преку неговата Фејсбук страница „Донирај компјутер“ https://www.facebook.com/donirajkompjuter/ , на Твитер и од човек на човек. Вели дека во неговото родно Кавадарци луѓето го препознаваат на улица, му честитаат, но неговата цел не е тој да стане познат, туку да се шири приказната за „Донирај компјутер“ во која се вклучи и нашата екипа. Само напред Борче, сигурни сме дека нашите стари компјутери ќе отидат во вистински раце. Погледнете го линкот од целото гостување на Стаменов во Еден на Еден.