Во Бетмобилот, Робин!

Возилото на Бетмен или познат како Бетмобил со годините се менуваше, па така од обична црвена кола, сега стана вистинска воена машина, страв и трепет во Готам.

Првиот Бетмобил за жал не можевме да најдеме слика, бил обична црвена кола која била побрза од другите, мошне креативно, но сепак тоа било во далечната 1940.

Бетмобилот кој беше направен за серијата од 1966 година е икона сам по себе. Сите пораснавме со оваа серија, малце комична од денешен аспект, се сеќавате таму позади грмушката излегуваше Бетмобилот.

Џоел Шумахер стави еден печат на франшизата Бетмен, го смени готскиот лик, така што му додаде повеќе светла на Бетмобилот.

Во Бетмен и Робин само беа додадени повеќе бои и одземени некои делови, за да изгледа помалку како од цртан филм.

Во триологијата на Кристофер Нолан беа сосема тргнати цртите од стрипот, со што стана помодерен, нешто што наликува на воено возило. Дури и името му го сменија па така Бетмобилот стана „Tumbler“.

Военот стил остана и за најновиот дел кој се уште се снима, а ова се фотографиите кои излегоа.

Слични статии